About Website (વેબસાઇટ વિષે) : www.krushikiran.in

        કૃષિને લગતી પુરાતન તથા આધુનિક નવીન માહિતી ખાસ કરીને ખેતી અને પશુપાલન તથા તેના સંલગ્ન ક્ષેત્રો સાથે સંકળાયેલ માહિતી ગુજરાતી ભાષામાં સર્વ કોઇને ઉપયોગી થાય તે હેતુથી આ વેબસાઇટ બનાવેલ છે જેમાં ખેડૂતોની આવક વધારો, ખેતીપાકો, ઓર્ગેનિક ખેતી, બાગાયત, વન, ઇનપુટ, મૂલ્ય વધર્ન, કૃષિ ઉદ્યોગો, હવામાન પરિવર્તન, પશુપાલન અને માનવ આરોગ્ય વગેરે જેવા અનેકવિધ વિષયો આધારિત માહિતી સંપાદિત કરી મૂકવામાં આવેલ છે.

        વિશેષમાં વિવિધ પાકો અને વનસ્પતિઓના લેખોમાં ઔષધિય અને ઉપયોગી માહિતી વનસ્પતિ સૃષ્ટિ (લે.ગો.ખી.બાંભડાઇ), વનસ્પતિ વર્ણન  અને નિઘંટુ (લે.બા.ગ.વૈધ), ક્ચ્છ સંસ્થાનની વનસ્પતિઓ અને તેની ઉપયોગીતા (લે.જયકૃષ્ણ ઇન્દ્રજી), શાકભાજી, ફળો અને સૂકો મેવો (લે. વૈધ બળદેવપ્રસાદ પનારા) અને આર્યભિષક (લે. શાસ્ત્રી શંકર દાજી પદે) વગેરે પુસ્તકોેમાંથી લેવામાં આવેલ છે.

        ઉપરોક્ત માહિતી વિવિધ પુસ્તકો, રિપોર્ટ, સરકારી તથા અન્ય સંસ્થાઓની વેબસાઇટ, વિવિધ મેગેઝીન જેવા કે ઇન્ડિયન ફાર્મર્સ  ડાયજેસ્ટ, ડ્રીમ ૨૦૪૭, ઇન્ડિયન હોર્ટિકલ્ચર વગેરેમાંથી સંકલિત કરી લેવામાં આવેલ છે. વિવિધ પુસ્તકો તથા સમાચારપત્રમાં પ્રકાશિત થયેલ લેખો પણ વેબસાઇટમાં મૂકવામાં આવેલ છે. તેમાં આપેલ મોટા ભાગના લેખોમાં લેખની અંતે જે તે લેખમાં સંદર્ભિત સાહિત્ય કે સ્ત્રોતનો ઉલ્લેખ કરેલ છે જેથી તે અંગેની વિશેષ માહિતી મેળવી શકાય. 

        ગુજરાત કૃષિ યુનિવર્સિટી અને ત્યારબાદ આણંદ કૃષિ યુનિવર્સિટીમાં તા. ૨૦-૦૬-૨૦૭૭ થી શરૂ કરી તા.૩૧-૦૧-૨૦૧૯ ના ૪૧ વર્ષ જેટલા મારી સર્વિસના સમય દરમ્યાન તથા જાન્યુઆરી ૧૯૯૮ થી ડિસેમ્બર ૨૦૦૫ અને જાન્યુઆરી ૨૦૦૭ થી જાન્યુઆરી ૨૦૧૯ સુધી  કૃષિગોવિદ્યા સામયિકના તંત્રી તરીકેની સેવા દરમ્યાન અત્રે દર્શાવેલ વિવિધ પ્રકાશનો પ્રકાશિત કરેલ છે તેમજ તા. ૧૮-૦૯-૨૦૧૭ ના રોજ ભારતમાતા મંદિર, લોકસેવા ટ્રસ્ટ, સંસ્કારધામ, અમદાવાદ ધ્વારા કૃષિગોવિદ્યા સામયિકને શબ્દ ચેતના ગૌરવ સન્માન એવોર્ડ તથા ૫૧૦૦/- પુરસ્કાર પેટે મળેલ જે બાબતે ગૌરવ અનુભવું છું. આ ઉપરાતં વર્ષ ૨૦૧૨-૧૩ થી ૨૦૧૯-૨૦ દરમ્યાન મારા સાત લેખોને ઉત્તમ લેખ એવોર્ડ મળેલ તેમજ કૃષિ મહોત્સવમાં કામગીરી બદલ સર્ટિફિકેટસ મળેલ છે જે માટે હું આણંદ કૃષિ યુનિવર્સિટીનો ખાસ આભાર માનું છું.

        અત્રે લેખક/સહલેખક/સંપાદક/ખેતી/તરીકે પ્રકાશિત કરેલ સાહિત્યે તથા અન્ય પ્રકાશિત માહિટતી દર્શાવેલ  છે જે માહિતીના સ્ત્રોત તરીકે દરેકને ઉપયોગી નીવડશે.

સાવચેતી/ચેતવણી : આ વેબસાઇટમાં આપેલ લેખોમાં જણાવવામાં આવેલ દવાઓ (કીટનાશક/ફુગનાશક/નીંદણનાશક/અન્ય) સેન્ટ્રલ ઇનસેકિટસાઇડસ બોર્ડ અને રજીસ્ટ્રેશન કમિટીની માન્યતા પ્રાપ્ત સૂચિમાં સામેલ ન હોય તો રાજ્ય સરકારના સમયે પ્રકાશિત થતા પરિપત્ર મુજબ તેનો વપરાશ કરવાનો રહેતો નથી. જો ખેડૂત અમાન્ય દવાઓનો વપરાશ કરશે તો તે તેની વ્યક્તિગત જવાબદારી રહેશે. આ અંગે કોઇ કાનૂની દાવો કે વિવાદ કરી શકાશે નહિ.

નોધ : આ વેબસાઇટમાંથી લેવામાં આવેલ માહિતીમાં સૌજન્ય : www.krushikiran.in નો ઉલ્લેખ કરવા વિનંતી

About Editor (સંપાદક વિશે)

સંપાદક : ડૉ. એન. વી. સોની (www.krushikiran.in)

નિવૃત્ત વિસ્તરણ ષિક્ષણ શાસ્ત્રી અને તંત્રી, કૃષિગોવિદ્યા,

આણંદ કૃષિ યુનિવર્સિટી, આણંદ, ગુજરાત – ૩૮૮૧૧૦

ઈ-મઇલ : krushikiran2023@gmail.com

સંપાદક દ્વારા કૃષિ ક્ષેત્રે કરેલ અમૂલ્ય યોગદાન

સંપાદક તરીકે પ્રકાશિત થયેલ પુસ્તકો

સંપાદક તરીકે વિવિધ સામયિકો ધ્વારા પ્રકાશિત થયેલ વિશેષાંકો

તંત્રી તરીકે ‘કૃષિગોવિદ્યા’ પ્રકાશન વિભાગ, આણંદ દ્વારા ખેડૂતો માટે પ્રકાશિત કરવામાં આવેલ પુસ્તકો

સંપાદક તરીકે પ્રકાશિત થયેલ બુકલેટ

વિવિધ વિષયો ઉપર પ્રકાશિત થયેલ ફોલ્ડર

સંપાદક તરીકે અન્ય પ્રકાશનો/ડીવીડી તથા રેડિયો ટોક/ટીવી ટોક