પાક સંવર્ધક અથવા કૃષિ વૈજ્ઞાનિક ધ્વારા સંવર્ધનથી વિકસાવવામાં આવેલ પાકના બીને ન્યુક્લીયસ સીડ કહે છે. તે ઊંચુ જનીનિક શુદ્ધ બિયારણ છે.  

        ઈન્ડિયન કાઉન્સીલ ઑફ એગ્રિકલ્ચર રિસર્ચ (ICAR) ના નિયંત્રણ હેઠળ વિવિધ કૃષિ સંશોધન સંસ્થાઓ અને કૃષિ યુનિવર્સિટીઓ ધ્વારા ન્યુક્લીયસ બીમાંથી બ્રીડર સીડ વિકસાવવામાં આવે છે. તેની બેગ ઉપર સોનેરી પીળી ટેગ લગાવવામાં આવે છે અને તેનો ઉપયોગ ફાઉન્ડેશન બીજ તૈયાર કરવા માટે થાય છે.  

        તે બ્રીડર સીડમાંથી વિકસાવવામાં આવે છે જેની ઉપર જે તે રાજ્યને કૃષિ વિભાગ, રાષ્ટ્રીય બીજ નિગમ, સીડ કો-ઓપરેટિવ એજન્સીઓ, સેન્ટ્રલ અને સ્ટેટ સીડ કો-ઓપરેશન અને ખાનગી ક્ષેત્રો દેખરેખ રાખે છે. તેની બેગ ઉપર સફેદ ટેગ લગાવાય છે.   

        નોંધાયેલ બીજ ઉત્પાદકો ફાઉન્ડેશન સીડમાંથી સર્ટિફાઈડ સીડ (પ્રમાણિત બીજ) બીજ પ્રમાણન એજન્સીની દેખરેખ હેઠળ તૈયાર કરે છે. સર્ટિફાઈડ સીડનો ઉપયોગ વેપારી ધોરણે પાક ઉત્પાદન લેવા માટે થાય છે. તેની ઓછામાં ઓછી જનીનિક શુદ્ધતા 99 ટકા હોવી જોઈએ. તેની બેગ ઉપર આસમાની વાદળી રંગની ટેગ લગાવવામાં આવે છે. તેના ઉત્પાદન માટે નક્કી કરેલ ધારાધોરણો જેવા કે ખેતરની પસંદગી, અલગીકરણ, ખેતરની ચકાસણી, વિજાતીય છોડ, નીંદણો અને રોગિષ્ઠ છોડ દૂર કરવા અને જો જનીનિક શુદ્ધતાના ધોરણોની પૂર્તતા કરે અને રોગ-જીવાતથી મુક્ત હોય તો તેની કાપણી કરવામાં આવે છે.  

        આવા બીની  દેખરેખ તેનું ઉત્પાદન કરતી સંસ્થા વડે થાય છે અને સર્ટિફાઈડ સીડ જેટલી ઓછામાં ઓછી ભૌતિક શુદ્ધતા અને અંકુરણના પ્રમાણો જાળવવામાં આવે છે. પ્રમાણિત થયા વિનાના અને લેબલવાળા શાકભાજીના બી વેપારી ધોરણે વેચાણ અને ખેતી માટે મંજૂરી આપવામાં આવે છે. મોટા ભાગના શાકભાજીના બિયારણોનો વેપાર આ વર્ગમાં આવે છે. આ પ્રકારના બિયારણની ગુણવત્તાની ખાતરી આપવી એ બીજ ઉત્પાદક એજન્સીની એકલ જવાબદારી છે. બીજનું ઉત્પાદન ખેતરમાં કાપણી અને પ્રોસેસિંગ સમયે ચકાસણી કરી ધારાધોરણો મુજબ કરવામાં આવે છે. તે જ રીતે ગુણવત્તાના પરિમાણો સર્ટિફાઈડ સીડ મુજબના હોવા જોઈએ. તેની બેગ ઉપર ઓપલ ગ્રીન ટેગ લગાવાય છે.    

        બીજ પ્રમાણન માટેની અરજી કરનાર ખેડૂતના ખેતરનું નિરીક્ષણ પ્રમાણન એજન્સી ધ્વારા કરવામાં આવે છે. ફૂલો આવતા પહેલાં, ફૂલો આવે ત્યારે, કાપણી પહેલાં અને કાપણીના તબક્કે ઓછામાં ઓછુ બે વખત નિરીક્ષણ કરવામાં આવે છે. ક્ષેત્ર નિરીક્ષણ દરમ્યાન અલગીકરણ અંતર, જુદા પડતા છોડ, અન્ય પાક/નીંદણનો ઉગાવો, નાદુરસ્ત છોડ વગેરેની તપાસ કરવામાં આવે છે અને બીજ ઉત્પાદકને જરૂર જણાય તે બાબતનાં પગલાં લેવાની જાણ કરવામાં આવે છે. જો ખેતરમાં ચેપ લાગેલ હોય તો તેના પૂરાવાને કારણે તે પ્રમાણન માટે જરૂરી પૂર્તતા કરી શકે તેમ ન હોય તો બિયારણને પ્રમાણિત કરવામાં આવતું નથી.